Gämiler dünýäsi (Muzeý)
3604

Gämiler dünýäsi (Muzeý)

Awaza derýa, Kuwwat myhmanhananyň golaýynda, Awaza

«Awaza» milli syýahatçylyk zolagy myhmanlaryna köp sanly güýmenje hyzmatyny: attraksionly seýil baglaryny, welotrekleri, aýdym aýdýan çüwdürimleri, akwaparklary, ýaht-klublary we başga-da köp zatlary teklip edýär. Tomus dynç alşynda baryp boljak gyzykly ýerleriň arasynda ‒ muzeýiň «Gämiler dünýäsi» atly sergi otaglary bar.

«Awaza» atly emeli derýanyň kenarynda muzeýiň gämiler sergisi bar. Toplumda iň meşhur gämileriň ― Britaniýanyň transatlantik «Titanik» bug gämisinden başlap, harby-deňiz gämileriniň 70-den gowrak nusgasy bar.

Agaçdan we beýleki serişdelerden ýasalan ýelkenli gämileriň we fregatlaryň nokatma-nokat takyklykdaky nusgalary öz döwrüniň asyl nusgalaryny göz öňüňde dikeldýär. Her nusganyň ýanynda türkmen we iňlis dillerinde ýazylan maglumat bar.

Muzeýe gelenler motorly gaýyga münüp, ýatdan çykmajak gämi gezelenjini-de amala aşyryp bilerler. Ýedi kilometr uzynlykdaky gämi gatnawly «Awaza» derýasy şypaly şäherjigiň boýundan-başyna uzalyp gidýär. Suw ýoly Hazar deňziniň kenarynyň golaýyndan geçýär. Derýa suwy kuwwatly turba geçiriji ulgamyň kömegi bilen Hazardan alýar.

Muzeý her gün işleýär.