Döwrebap lukmançylyk toplumy Ýewropanyň öňdebaryjy kärhanalarynyň lukmançylyk enjamlary bilen enjamlaşdyrylan köp ugurly hassahanany we ýokanç keseller hassahanasyny öz içine alýar. 676 orunlyk esasy bäş gatly binada gyssagly tiz kömek, anesteziologiýa we reanimasiýa, angiografiýa, pulmonologiýa, endokrinologiýa, gastroenterologiýa, fizioterapiýa, gemodializ, rentgen, oftalmologiýa, hirurgiýa, kardiologiýa, otorinolaringologiýa, nefroematologiýa, neýrohirurgiýa, newrologiýa, merkezi we periferiýa nerw ulgamlaryň keselleri, oňurga patologiýasy, rewmatologiýa, toksikologiýa, trawmatologiýa we ortopediýa, urologiýa, şeýle hem trawma merkezi, gan banky, laboratoriýa we ş.m. bölümler ýerleşendir.