Şikesleri bejeriş halkara merkezi (ŞBHM) 2011 ýylyň 21-nji iýulynda açyldy. ŞBHM-i ýurdymyzda trawmatologiýa gullugynyň merkezi edarasy bolmak bilen trawmatologiýa we ortopediýa ugurlary boýunça ýöriteleşdirilen ilkinji we kwalifisirlenen ýörite bejergileri berýän hassahana bolup durýar. Şikesleri bejeriş halkara merkezi 8 gatdan ybarat bolup, 180 syrkawy özünde ýerleşdirip bilýär. Şikesleri bejeriş halkara merkezi 30 orunlyk ortopediýa, 30 orunlyk neýrohirurgiýa, 60 orunlyk trawmatologiýa, 30 orunlyk torako-abdominal, 30 orunlyk iç keselleri we maýyplaryň saglygyny dikeldiş we 17 orunlyk anesteziologiýa-reanimasiýa ýatymlaýyn bölümlerinden, gaýragoýulmasyz kabul ediş, maslahat beriş, rentgen we funksional anyklaýyş, laboratoriýa, operasiýa, fizioterapiýa we bejeriş bedenterbiýe, giperbariki oksigenirleme, gan bank bölümlerinden ybarat.