«Maksatly Türkmen» hojalyk jemgyýeti müşderilerine plastikden hem-de alýuminden ýokary hilli penjireleri we gapylary taýýarlamak we gurnamak boýunça hyzmatlaryň giň toplumyny hödürleýär, şeýle hem ofis binalarynyň we ýaşaýyş jaýlarynyň interýeri hem-de fasady üçin dürli taslama çözgütlerini teklip edýär.

«Maksatly Türkmeniň» esasy aýratynlyklarynyň biri hem her bir müşderä aýratyn çemeleşmegidir. Kompaniýanyň hünärmenleri amatly çözgütleri hödürlemek üçin jaýlaryň geometriýasyny, önümçilik we gurnama aýratynlyklaryny, şeýle-de beýleki möhüm şertleri göz öňünde tutýarlar.

Kompaniýanyň hödürleýän önümleri dürli görnüşli penjireleri we gapylary, şeýle hem beýleki gurluşlary öz içine alýar. Olaryň hatarynda:

• Ofis germewleri
• Fasad ulgamlary
• Duş kabinalary
• Aýna germewler
• Awtomatlaşdyrylan gabsalar
• Derwezeler
• Süýşýän aýna gurluşlar
• Penjirleri Günden goraýan gurluşlar
• Alýumin çarçuwaly reňkli aýnadan nagyşlar we beýlekiler bar.

«Maksatly Türkmeniň» wekilleri önümleriniň görnüşlerini yzygiderli artdyrýandyklaryny we täze taslama çözgütlerini hödürleýändiklerini bellediler.

Döwrebap enjamlaryň we ýokary hilli materiallaryň ulanylmagy netijesinde, «Maksatly Türkmen» önümleriniň ýokary hilini kepillendirýär.